Şāh-ı manṣuru’l-ʿālem ḫākān-ı Maḥmūdü’ş-şiyem Eyledi ceyş-i niẓāmıyla cihānı kām-bīn Vażʿ idüp üss-i ẓafer el-ḥaḳ binā-yı rezm içün Cünd-i manṣūruŋ ṣufūfın ḳıldı bünyān-ı raṣīn İdicek aʿlām-ı fevz-i ʿaskerin her dem küşād ʿĀleme refʿ-i ḥicāb etse sezā fetḥ-i mübīn Yapdırıp bu belde-i zībāda bu nev-ḳışlayı ʿAsker-i şāhānesin ḳıldı derūnında mekīn Ol şeh-i kişver-küşānıŋ sāyesinde Edrine Oldu bu ḳışlaḳ-ı ʿālī ile çün ḥıṣn-ı ḥaṣīn Ol şeh-i ʿasker-nevāzı vaḳt-i nefḫ-i ṣūra dek Şād ḳılsın ḳahr-ı aʿdā ile Ḫayru’n-Nāṣırīn Söyledim tārīḫ-i itmāmın mücevher Zīverā ʿAskere īcād ḳıldı ḳışla şāhenşāh-ı dīn 1243