Ḳıldı bu tekyeyi mānend-i cinān Ḫān Maḥmūd Kevs̱eri eyledi bābında revān Ḫān Maḥmūd Eyleyip ḫānḳah-ı bāb-ı cedīdi tecdīd Etdi ʿirfānını dünyāya beyān Ḫān Maḥmūd Edip iẓhār-ı kerāmet ne göŋüller yapdı Nice esrār-ı nihān ḳıldı ʿayān Ḫān Maḥmūd Baylar şimdi bu dergāha gedādır yā Hū Fuḳarāya olalı kehf-i emān Ḫān Maḥmūd Dem çeker nāmına gül-bāng-ı şān-ı eflāk Ḥücerāt içre dedikçe dedegān Ḫān Maḥmūd Buldu ḥüsn-i digeri devlet-i ʿOs̱māniyye Verdi ān salṭanata ān-be-ān Ḫān Maḥmūd Himmetin aldı yine Ḥażret-i Mevlānā’nıŋ Ola elṭāf-ı Ḫudā’ya nigerān Ḫān Maḥmūd Feyż alıp şems-i ḥaḳīkātden o bedr-i tā-bān Rūz [u] şeb biŋ sene etsin lemeʿān Ḫān Maḥmūd Şeref-i nām-ı hümāyūnla şöhret buldu Hāmeme olsa n’ola vird-i zebān Ḫān Maḥmūd Mevlevī-ḫāne’ye ʿİzzet dedi pīrim tārīḫ Yapdı bu dergehi sulṭān-ı cihān Ḫān Maḥmūd 1232