Pādişāh-ı rub‘-ı meskūn ḳıblegāh-ı ḫāfīḳayn Şehryār-ı heft kişver dād-kār-ı şeş cihāt Ḥażret-i ‘Abdülḥamīd Ḫān kim nevāl-i cūduna Nisbet olunsa bir iki ḳaṭredir Nīl ü Fırāt Fetḥ u nuṣretle anı Allāh ḳılsın ber-ḳarār Tīġ-i ḳahrı her dem etsin düşmenānın bī-s̱ebāt ‘Ālemiŋ iki gözü şehzādegānın tā ebed Mihr ü mehveş eyleye pertev-firūz-ı kā’ināt Feyż-i luṭf-ı Ḫıżr erişti teşnegāna sū-be-sū Ḳande insān belki cān buldu nice ‘arż-ı mevāt Ṣıdḳ-ı niyyetle Silāḥdār-ı himem-kārı daḫi Kim odur Yaḥyā Efendi ẕāt-ı nūrānī-simāt Eyleyip ifnā sebīl-i rüşde çok māl ü menāl Ḫayr-i cārī ḳıldı aldı bāḳiyāt-ı ṣāliḥāt Ezber etsinler Münībā ṣu gibi tārīḫini Çeşme-i Yaḥyā Efendi’den al iç olsun ḥayāt Sene 1202 Ketebehu Yaḥyā Silāḥdār-ı Sulṭānī Allahümma’ġfir zünūbī ve’sutür ‘uyūbī