Pādişāh-ı baḥr u ber ḫākān-ı kerrūbī siyer Ḥażret-i Sulṭān Maḥmūd-ı mekārim-ittiṣāf Sāye-i ḫıfẓında ol şāh-ı ʿadālet-güsterin Kişver-i ʿālemden oldı münʿadim ehl-i ḫilāf Ol şehin Dārü’s-sāʿade aġasın Ḥaḳ eylemiş Māʾil-i ās̱ār-ı ḫayr ü ṭālib-i zühd ü ʿafāf Ḥażret-i Ḥācī Beşīr Aġa-yı ekrem kim anıŋ Baḥr-ı cūdundan eder hemvāre ʿālem ʿitirāf Saʿyini meşkūr ede Mevlā ki himmet eyleyip Etdi bu nev çeşmeye bir mekteb-i s̱ānī mużāf Ṭarḫını seyr eylese kendi ḳusūrun sū-be-sū Eyler idi bānī-i ḳasr ḫorlukġın iʿtirāf Yümniyā dāvet edip ʿaṭşāna tārīḫin dedim Nūrdur bu çeşme-i dil-cūya gel iç mā-i ṣāf 1150