Pādişāh-ı āl-i ʿOs̱mān sāye-i Rabbü’l-mecīd Ḥażret-i ʿAbdülḥamīd Ḫān ṣāḥib-i reʾy-i sedīd Maṭlaʿı dīvān-ı şevketdir fürūġ-ı devleti Ferd-i ẕātı gūyiyā Şehnāme’de beytü’l-ḳaṣīd Medrese mekteb ʿimāret hem kütüb-ḫāne sebīl Yapdırıp aldı duʿā-ı ḫayr-ı aḥrār u ʿabīd Medrese ṣūretde ammā heyʾet-i maṭbūʿası Muḫtaṣar mecmūʿa-ı nādīdedir ġāyet müfīd Bārekallāh bir muʿallā medrese yapdırdı kim Vażʿ erkānı mü’esses ṭāḳ-ı vālāsı meşīd Mesken ü me’kel kütüb āmādedir ʿözr etmeyip Ṭālibān taḥṣīl-i ʿilme eylesin saʿy-i mezīd Ḥasbeten-lillāh edip ʿilm-i şerīfe iʿtibār Enbiyā vāris̱lerine etdi ikrām-ı ekīd Biŋde bir ancaḳ düşer Tevfīḳ aŋa tārīḫ-i tām Ehl-i ʿilme medrese yapdırdı şeh ʿAbdülḥamīd 1194