Cenāb-ı Ḥażret-i Ḥācī Beşīr Aġa-yi dānā kim Ḫavāṣṣıŋ iftiḫārı maḥrem-i Sulṭān-ı aʿẓāmdır O ẕāt-ı mekremet-pirāy-ı vālā-ḳadr-i ʿirfānıŋ Dil-i feyż-i āşinā-yı ṣāfı her ḳārında mülhemdir ʿAceb mi mülhem olmaḳ ṭabʿ-ı gevher-sencine zīrā Der-i devlet-meʿābı teşne-i ümmīde maḳsemdir. Nice maḳsem ki feyż-i reşḥa-i gevher-nisārından Gül-i āmāli erbāb-ı dilin ser-sebz ü [pür-nemdir] Ḫuṣūṣā etdi icrā bu maḥalle ebr-i cūdundan Bu āb-ı ṣāfı kim ḥālet-feẓā-yı neşʾe-i demdir Nice ḫayrāt-ı mevfūra muvaffaḳ eyleye Bārī Duʿā-i devleti şām u seḥer zīrā ki elzemdir Nihāl-i devletin sīr-āb ü ḫandān eyleye her dem Ḫudā-yı lem-yezel kim kār-sāz-ı bezm-i ʿālemdir Bu zībā beytinin her mıṣrāʿ-ı rengīn ü mevzūnu ... ... bünyāda tārīḫ-i müsellemdir Eden bu Kevs̱eri icrā Beşīr Aġa-yı mükrimdir Gel iç bu çeşme-i raʿnānıŋ āb-ı pāḳi zemzemdir 1145