Pādişāh-ı dīn ü devlet ḥażret-i ‘Abdülḥamīd Taḫt u baḫt u şevketiŋ sulṭān-ı ṣāḥib-efseri Ser-be-ser sīrāb-ı āb-ı cūy-ı cūdu kā’ināt Ser-be-ser doldurdu ṣıyt-ı ‘adli ile kişveri Ġālib olsun düşmen-i dīn-i mübīne dā’imā Görmesin fevz ü felāḥ anıŋ ‘adüvv-i kemteri Ḥaḳḳ muẓaffer eyleye dā’im livā-yı şevketin Nāṣırı Allāh ola tevfīḳ-i Bārī yāveri Eyleye evlād ü ensāb-ı kirāmın ḥaşre dek Ẕātı-veş Mevlā bu dīn ü devletiŋ [ṣāḥib]-feri Hem silāḥdārı anıŋ Yaḥyā Efendi muḥterem Sāye-i luṭfunda oldu nice ḫayrıŋ maẓharı Hep du‘ā-yı nāsı celb etmekde şāh-ı ‘āleme Hep vücūhı bize ṣarf etmekde ṭab‘-ı enveri Sevḳ edip ez-cümle ḥasbī bu mu‘allā çeşmeyi Defter-i a‘māl-i ḫayra verdi zīb ü zīveri Dil-güşā bir ṭarḥ-ı nev zībā-edādır Ḥaḳḳ bu kim Pür-ṭarab eyler görünce resm ü ṭarzı dilleri Bir ḳafesle mürġ-i ḫoş-endāma benzer gūyā Cānib-i deryāya açmış şevḳ ile bāl ü peri Teşneler içdikçe ābından Cenāb-ı Müste‘ān Ede şād ervāḥ-ı sıbṭ-ı ḥażret-i Peyġamber’i Yaz Edībā şevk ile tārīḫ-i tāmın sen daḫı Menba‘-ı ṣāf-ı muṣaffādır içen gelsin beri 1203