Gevher-i bahr-ı kerāmet āb-rū-yı salṭanāt Ḥażret-i Sulṭān Maḥmūd Ḫān-ı İskender-vegā Çeşmesār-ı maʿdelet şāhinşeh-i ẕī-şāndır Ṭās-ı gerdūn āb-ı iḥsāniyle pürdür dāʿimā Devr-i ʿadlinde seḥāb-ı feyż-i Ḥaḳ rīzān olup Oldu hāşāk-ı ʿadū hep seyl-i ḳahr ile hebā Ḥaḳ yoluna eyleyip mā-i muṣaffāyı revān Sū-be-sū ḫuşk-i zemīni ḳıldı sīrāb-ı ṣafā Ṣādır oldu çeşmeler bünyādına emr-i şerīf Kʿolalar şādāb-ı māʾ-i luṭfla bāy u gedā Bu maḥalde daḫi Tersāne Emīni ḳuluna Ḳıldı bir nev-çeşme bünyādı için emrin ʿaṭā Eyledi mesrūr olup iḫlāṣ ile ḫiẕmet hemān Oldu bu dil-cū müferriḥ çeşme pākīze-binā Bu maḥal muḥtāc idi āb-ı revāna şöyle kim Ṣuyu görmezdi ahālisi meger çeşminde mā Gökde ararken bu āb-ı ṣāfı yerde buldular ʿArşa çıḳdı pādişāh-ı ʿāleme ṣavt-ı duʿā Eyledi cārī zebān-ı lūle tārīḫin Necīb Aḳdı bu nev-çeşmeden āb-ı ḥayāt-ı can-fezā Sene 1145