Ḫıżr-ı İskender-ẓafer Ḫān Aḥmed-i ʿālī-güher Şehriyār-ı baḥr u ber ẓıll-ı Ḫudā-yı ẕü’l-himem Mis̱li yoḳ bir pādişāh-ı ʿālem-ārādır olur Bendegān-ı dergehi āzāde-i dām-ı mihen ʿAdl ile mülk-i ḫarāb-ı dehri ābād eyledi Buldu ʿahdinde niẓām-ı tāze bu devr-i kühen Ol Süleymān-ı zamānıŋ ṣadr-ı Āṣaf-mesnedi Yaʿnī İbrāhīm Pāşā-yı müşīr ü mu’temen Şehriyār-ı ʿāleme celb-i duʿā-yı ḫayr içün Meyl-i ḫayrāt edicek ol māḥī-i ẓulm u fiten Ketḫudā-yı ekrem ü dāmād-ı ẕī-şānı daḫi Nāmdāş-ı faḫr-ı ʿālem ṣāḥib-i ḫulḳ-i ḥasen Eyleyip bu ḳaryeyi manẓür-ı ʿayn-ı mekremet Cüst-cū-yı ābı defʿe himmet etti cümleden Teşnegānı eyleyip reyyān-ı Tesnīm-i kerem Ḥiṣṣe-yāb-ı çeşmesār-ı cūdu oldu cān u ten Çeşme ṣanma sāḥil-i deryāya ṭurmuş seyr eder Güyiyā bir dilber-i sengīn-dil ü sīmīn-beden Bir içim ṣudur leṭāfette bu zībā çeşmesār İʿtirāf-ı ʿacz eder vaṣfında erbāb-ı süḫan Ṣu gibi ʿaṭşān oḳurlar Şākirā tārīḫini Mā-i pāk içiŋ Meḥemmed ʿaşḳına bu çeşmeden