Ḥażret-i Sulṭān Aḥmed Ḫān-ı ṣāḥib-maʿdelet Kim odur zīb-i serīr-i salṭanat ẓıll-ı Ḫudā Bir şehenşāh-ı muʿaẓẓamdır ki ābād eyledi Milket-i islāmı ʿadl u dād ile ser-tā-be-pā Maḥrem-i ḫāṣı niẓāmü’l-mülkü ṣadr-ı aʿẓamı Yaʿnī İbrāhīm Pāşā-yı ʿināyet-intimā Şehriyār-ı ʿāleme celb-i duʿā-yı ḫayr içün Niçe ḫayrāt eyledi ol menbaʿ-ı rüşd ü ẕekā Duḫter-i ṣaʿd-aḫter-i ʿiṣmet-semīri gördü kim Vālid-i ẕī-şānı bī-ḥad çeşmesār eyler binā Ol daḫi bir çeşme bünyādına niyyet eyledi Sırr-ı vālidden alınca feyż u elṭāf u ʿaṭā Şevher-i sāmī-mekānı ketḫudā-yı āṣafı Yaʿnī hem-nām-ı Meḥemmed ṣıhr-ı ṣadr-ı pür-seḫā Eyleyip bu ḳaryeyi manẓūr-ı ʿayn-ı ilṭifāt Ḳıldı hem cāmiʿ binā hem çeşmesār-ı dil-küşā Pādişāh-ı ʿālem-ārā-y-ile ṣadr-ı aʿẓamı Birbirinden etmeye tā ḥaşre dek Mevlā cüdā Şākirā dedim leb-i ādāb ile tārīḫini İç bu zībā çeşmeden ʿayn-ı ḥayāt-ı cān-fezā 1136