Nāẓır-ı dārü’s-sa‘āde ḥażret-i aġa ki anıŋ Āb-ı iḥsānıyla sīr-āb oldu el-Ḥaḳḳ şeş-cihet İşte ez-cümle Burūsa şehrini tenvīr eden ‘Ārif-i billāh Emīr Sulṭān kerrūbī-ṣıfāt Ol velīniŋ cāmi‘ ile türbe-i pür-nūrunu Ḳıldı ta‘mīr ile iḥyā ol kerīm-i pāk-ẕāt Luṭf-ı Ḥaḳḳ ta‘mīri ẕeylī de bu āb-ı ḫoş-güvār Oldu ẓāhir kim anıŋ evṣāfıdır ‘aẕb-ı Fırāt Gūş edince ol kerem-cū çeşme bünyād eyleyip Cūy-ı cūd luṭfun icrā etdi çün ḳand-i nebāt Ol mekārim-pīşe ṣāḥib ḫayr-ı vālā himmetiŋ Devlet ü iḳbāl ü baḫtı ḥaşre dek bulsun s̱ebāt Ni‘metā vaṣfında yaz tārīḫ içün bu beyti kim Teşne-lebler etmesin hīç āb-ı Ḥıżr’a iltifāt Al Beşīr-i kāmkārıŋ ‘ayn-ı cūdundan gel iç Mā Emīr Sulṭān rūḥ-ı pākine āb-ı ḥayāt 1156