Pādişāh-ı ceyş-perver mālik-i mülk-i ẓafer Şāh-ı Maḥmūdu’s-siyer ḫāḳān-ı manṣūru’l-livā Sāye-i Ṭūbā pesend-i şevketidir şüphesiz Ḳıldı dehri zīnet-i bünyān ile cennet-fezā Ḥayret-efzā pür-ṣafādır mülke bu ceyş-i niẓām Baḳ olur mirʾāt-ı ʿālemde ẓafer ṣūret-nümā ʿAsker-i encüm-şümārıçün o mihr-i şevketiŋ Bu ḥażīż-i arża reşk etmektedir evc-i semā Verdi istiḥkām teʾsīs-i niẓāmı ʿāleme Oldu dünyā resm-i ʿadliyle binā-yı dil-küşā Ḳıldı bu ḳışla bināsıyla Manastır beldesin Zīb-i āsāyişle ābād ol şeh-i kişver-küşā ʿAskeri olsun o şāhıŋ sāyesinde muġtenem Ḥaşre dek ʿömr-i hümāyunun füzūn etsin Ḫudā Zīverā tārīḫ-i muʿcem söyledim itmāmına Ḳıldı şāhenşāh zībā cāyda ḳışla binā 1254