Cenāb-ı ḳuṭb-ı devrān pādişāh-ı ṣāḥib-i ‘irfān Ḫudāvend-i zamān Maḥmūd Ḫān sulṭān-ı bī-hemtā Esās-ı salṭanat rükn-i ḫilāfet dāver-i İslām Binā-yı devlet ü dünyā penāh-ı millet-i beyżā Medār-ı ‘adl ü iḥsān bā‘is̱-i emniyyet-i ‘ālem Ẓahīrü’l-mülk ḥāmī-i şerī‘at server-i yek-tā Hümā-yı evc-i şevket şāhbāz-ı lāne-i devlet Hezār-ı gülşen-i himmet ḫilāfet Ḳāf’ına ‘anḳā Sünūḫāt-ı İlāhī vāridāt-ı mülhem-i ġaybī Tecellīhā-yı ‘irfānı fu‘ādın eylemiş me’vā Zamān-ı devletinde ḳalmadı bir cāy-ı vīrāne Cihān ma‘mūrdur baştan başa tā ‘ālem-i bālā Yıḳılmaz hiç bozulmaz yaptıġı ḳānūn-ı müstaḥkem Ḥāḳimāne eder ḥükm-i niẓām-ı devleti icrā Edip ẓāhirde bāṭında teveccüh dergeh-i Ḥaḳḳ’a Bu dārü’l-feyż-i ṣāḥib-Mes̱nevī’yi eyledi iḥyā Celālü’d-dīn Rūmī maẓhar-ı esrār-ı Ḳayyūmī Velīler cümle maḥkūmu ḫıdīv-i ḫıṭṭa-i ma‘nā O bir şehbāz-ı lāhūtī ki zīr-i bāl-i sırrında Zemīn ü āsumān bu hey’et-i dünyā vü mā-fīhā Ḥaḳīḳāt şemsiniŋ nūru şerī‘at bezminiŋ feyżi Ṭarīḳat şem‘iniŋ pervānesi ol mürşid-i dānā Bu dergāhıŋ berāber oldu saḳfı Beyt-i Ma‘mūr’a Feżā-yı dil-güşāsı gülsitān-ı cennetü’l-me’vā Cihānda böyle ḫayrāta ile’l-ān ettiği maṣrūf Nuḳūd-ı bī-nihāye kīse-i zer-isāy-ı lā-yuḥşā Ṣafā-yı ḳalb ile gel kim ede Ḥaḳḳ sa‘yiŋi meşkūr Ṭavāf eyle ziyāret ḳıl mis̱āl-i Ka‘be-i ‘ulyā Semā u ẕikr devrān oıla tā kim ḫān-ḳahlarda Dem-i neyle ṭuta ‘āşıḳları tā ceẕbe-i Mevlā Futūḥāt u beşāretle füyūżāt-ı meserretle Ḫudā ẕāt-ı hümāyūnun serīrinde ede ber-pā Dedi bu Mes̱nevī-ḫān bendesi ‘Aynī iki tārīḫ Biri cevherdir ammā dīgeri zībende vü a‘lā Şehen-şāh-ı zamān pīr āsitānın yaptı eyvallāh 1251 Sipihr-i heftüme döndü zihī dergāh-ı Mevlānā 1251