Esās-endāz-ı bünyān-ı kerem ʿAbdülmecīd Ḫān’ıŋ ʿİmār-ı mülkiniŋ üstād-ı ʿadli oldu miʿmārı Olaldan menhel-i ʿaẕb-i mekārim ol şehiŋ ʿahdi Sezā mānend-i deryā dehre ḳılsa luṭfunu cārī O şāhen-şehdir el-ḥaḳ fā’iżü’l-ḫayrāt ʿālemde Sezādır ḳılsa ābādan mülkü böyle ās̱ārı Edirne beldesi enhārı üzre ḫayr-ı şāhāne Ġarīḳ-i cū-yı iḥsān eyledi eṭrāf u aḳṭārı Gelip geçdikçe ḫalḳ-ı memleket bu cisr-i s̱ānīden Duʿā-sāz-ı dü-bālā ḳıldılar evrād u eẕkārı Merīc u Arda nehri tā revān olduḳça bu sūdan O şāhıŋ mülkünüŋ feyż-i İlāhī ola enhārı Bu ṭāḳ-ı cisri terṣī’ etdi Zīver işbu tārīḫiŋ Bu ʿālī cisr oldu ḫayr-ı s̱ānī-i cihān-dārī 1258