Menbaʿ-ı cūd-ı ʿināyet maḳsem-i āb-ı kerem Ḥażret-i Sulṭān Maḥmūd Ḫān-ı İskender-veḳār Āb-rū-yı şān-ı devlet dürr-i baḥr-i salṭanat Ḳulzüm-i zeḫḫār-ı himmet dāver-i gevher-nis̱ār Kilk-i luṭfu bendegāna lūle-i ʿayn-ı ʿaṭā Cūd-ı ṭabʿı kişver-i iḥsāna baḥr-i bī-kenār ʿĀlemi sīrāb-ı feyż-i cūybār-ı ḫayr edip Gülşen-i mülke ṣu verdi ol şeh-i ʿālī-tebār Sū-be-sū maʿmūr edip dünyāyı ol şāh-ı cihān Yapdı ʿālemde nice ās̱ār-ı ḫayr-ı bī-şümār Dāʾimā böyle cihānda vażʿ-ı ās̱ār eyleyip Olduġiyçün māʾil-i ḫayrāt o şāh-ı kām-kār Meslek-i şāhānesine eyleyüp ʿālem sülūk Ḫayra meyl etti cihānıñ meşrebi bī-iḫtiyār Baḳ vekīl-i kenz-i şāhī Ḥāfıẓ ʿĪsā nām Aġa Ḳıldı bu ḫayrāt-ı dil-cūyı bināya ibtidār Celb edip vaḳf-ı Selīmiyyeden āb-ı dil-keşin Eyledi bu çeşmeyi ibn-i sebīle yādigār Hīç söz olmaz ṭarḥına bu çeşmesār-ı himmetiñ Naḳşı zībā resmi dil-cū āb-ı ṣāfī ḫoşgüvār Şerbet-i ḳand ile hem-ṭuʿm olduġun gūş eyleyüp Teşnedir ḥālā bu şīrīn cūybāra Ḳandehār Varsa bu daʿvāmı inkār eyleyen gelsin beri İşte hummāż şerbeti işte bu şīrīn cūyibār Bir midir bu māʾ-ı şīrīn ile hiç āb-ı ḥayāt Bunda hem ṣafvet nümāyān hem leṭāfet āşikār Ḥaḳ bu kim bu ḫayr u ās̱ār ile şāh-ı ʿāleme Eyledi celb-i duʿā ʿaṭşāndan leyl ü nehār Ṭūl-i ʿömr ile muʿammer edip ol Şāhenşehi Maẓhar-ı tevfīḳ ede ẕātın cenāb-ı Kirdigār Sāye-i şāhīde Ḥaḳ ol ṣāḥibüʾl-ḫayrātı da Eyleye dil-ḫāhı üzre feyż-yāb u behredār Oḳu Vāsıf ṣu gibi tārīḫ-i cevher-māyesin Gel ṣu iç ḳıl Ḥaḳḳa ḥamd işte muʿallā çeşmesār 1226 Ketebehüʾl-ʿabdüʾd-dāi Mustafa Rāḳım ġufire zünūbihi