Ey kemāl ü kerem ü ḫulḳ ile meşhūr-ı cihān Dil-i giryānumı gel luṭfuŋ ile ḳıl ḫandān İlṭifātıŋa be-ġāyet müteraḳḳıb ḫāṭır Çeşm-i cān cānib-i mihrüŋe dem-ā-dem nigerān Luṭf-ı Ḥaḳḳile bugün ẕāt-ı şerīfüŋ bildim Ayaġuŋ ṭopraġıdur sürme-i ʿayn-ı aʿyān Ṣadr-ı devletde ḳarār eyleyeli sulṭānum Ḥāṣılı üstümüze döndü siphr-i gerdān Bu ḳadar ḫayr-ı ḥasen eyleyen erbāb-ı kerem İde ṣaḥn-ı ḥarem-i bāġ-ı cinānda cevelān Ḳulzüm-i luṭf u kerem cūş u ḫurūş eyler ise Umarum bu dil-i nalān daḫı olmaz giryān Ḥāli ben bī-kes ü ġam-dīde-i nā-şāduŋ bil Luṭfuŋa ḳaldı eyā Ḫātem-i ṣāḥib-iḥsān Biz senüŋ-çün olalım Ḥaḳḳ’a duʿāda her ān Sen ṣafāda olasın gül gibi dāʿīm ḫandān Ḥażret-i Ağa-yı ekrem nāmı Ḥācī Muṣṭafā Ẓābit-i Dārü’s-saʿāde maḥrem-i ʿOs̱māniyān Ḫān Aḥmed niyyet itdükde binā-yı cāmiʿe Nāẓır etdi cümleye ol dem seni şāh-ı cihān Ṣarf idüp maḳdūrını iḳdām-ı küllī eyledüŋ İrgürince ḳubbe-i ʿālīye anı ol zamān Bunca iḳdām ile ol māl-i firāvānı begüm Eyledüŋ taḥṣīl hem itdüŋ bu yolda hep revān Biŋ yıl ʿömri olsa bi’llāhi demek olmaz naṣīb Ölse daḫı zīr-i destinde anuŋ kevn ü mekān Böyle bir cāmiʿ-i bālā böyle bir ʿālī maḳām Cismi nā-mevcūd iken geldi vücūda ol hemān Himmet olunca olur ….. Devletüŋ efzūn olup hem ʿömrüŋ olsun cāvidān Biŋde bir mümkin degil evṣāfını şerḥ eylemek Olsa gūyā ger dehānımda eger kim ṣad zebān Göricek bu cāmiʿi didüm anuŋ tārīḫini Eyledüŋ bu dehr içinde ḥaḳ bu kim ʿālī nişān 1048