Şeh-i çarḫ-āsitān Sulṭān Maḥmūd Ḫān-ı Dārā-der Sezā şāhān-ı ‘ālem olsa dergāhında ruḫ-sūda Mis̱āl-i pertev-i ḫūrşīd dehre ol cihānbānıñ H/Zilāl-i şevketi günden güne olmaḳda memdūde Ḫuṣūṣā ol şeh-i ‘ālī-himem ecdādı şāhānıñ Olup ās̱̱ārını iḥyāda maẓhar ‘avn-ı ma‘būde Ebū’l-fetḥiñ nice mevḳūfa zībā nüsḫası ḳalmış Perīşān ṭāḳ-ı nisyān içre kim ḫār u ḫaṣ ālūde Olup vāḳıf o şāh-ı ekmel iḥyā-yı ‘ulūm etti Ki yaptı böyle bir dārü’l-kütüb bu cāy-ı behbūde Edip gencīne-i ḫāṣdan ez-cümle kütüb iḥsān Derūnunda ki her fenden ola bir nüsḫa mevcūde Ḫulāṣā bī-bedel dārü’l-kitāb-ı nev-zemīn oldı Ki mir’āt-ı cihānda olmamış eşbāhı mevcūda Hemān ẕāt-ı hümāyunuñ viḳāye eyleyip Allāh ‘İnāyet eyleye ecr-i cezīl ol şāh-ı ẕī-cūda ‘Uṭārid ṭāḳ-ı çarḫa yazdı böyle Ni‘metā tārīḫ Zihī dārü’l-kütüb mes‘ūd ola Sulṭān Maḥmūd’a 1155