Re’īs-i dīn ü devlet ‘Ākif-i beyt-i ma‘ārif kim Sa‘ādetle bu dār-ı feyżi yaptı pür-ṣafā oldu Esāsın öyle bir vaḳt-i tecellīde ḳodu üstād Ki her bir gūşesi nūr-ı seḥerden rūşenā oldu Bün-i ḫār-ı ser-i dīvārın etmiş lāne bülbüller Kim arż-ı revżası bāġ-ı İrem’den dil-güşā oldu Çemen-zārı verir feyż-i beḳāyı Ḥażret-i Ḫıżr’a Füṣūl-i erba‘a āb u hecāsı cān-fezā oldu Ḳapansın çeşm-i a‘dāsı güşāde ola dergāhı Cihānda tā ki devlet-ḫāneler böyle be-cā oldu O dergāha dü tārīḫ-i żiyā-baḫşā dedim ‘Aynī Meh ü ḫurşīd-veş āvize-i ṭāḳ-ı semā oldu Bu zībā ḫāneyi ‘Ākif Efendi ḳıldı nev iḥyā 1250 Bu ḫāne biŋ iki yüz ellide resm ü binā oldu 1250