Ḫüsrev-i Behrām-kīş-i ’ahd kim Bir kepāze yayıdır çarḫ-ı berīn Şeh Selīm Ḫān kim ḫadeng-i meryiniŋ (?) Menzil-i kūtāhıdır saṭḥ-ı zemīn Her hünerde şāhdır ol bā-ḥuṣūṣ Yok oŋa fenn-i şecāʿatde ḳarīn Alṣa deste ṣaġ u sol tīr ü kemān Zūr-i bazūdur oŋa mülk-i yemīn Şol ʿuḳāb-ı tīz-perdir tīri kim Āşiyānıdır ser-i aʿdā-yı dīn Per-güşād ile atıp biŋ ḫaṭve yer Bī-gümān ṭayyoldu ol tīre zemīn Menzil-i meydān-ı ʿömrün madd ede Ṣad hezārān sāl Vehhāb-ı muʿīn Yazdı bir mıṣraʿ Münīb-i çākeri Ḳazdı mermer üzre çün naḳş-ı nigīn Geldi bā–ilḥam tārīḫin dedi Şāh Selīm ṭaş dikdi biŋ gez āferīn 1207