Ḥażret-i ʿAbdülʿazīz Ḥān-ı diyānet-perveriŋ Görmedi vażʿ-ı müberrāt etmede mis̱lin cihān Vālidi cennet-mekān Maḥmūd Ḫān’ıŋ rūḥunu Vālide Sulṭān bu yüzden daḫı ḳıldı şādmān Bārekallah nev-zemīn bir cāmiʿ inşa eyledi Ṭarḥ-ı dil-ārāsına ḥayretde ḳaldı āsmān Ṣu aḳıtdıysa Zübeyde Mekke’ye Baġdad’dan Bunda ol Sulṭān-ı ẕī-şān Kaʿbe’den verdi nişān Yazdı Nüzhet bendesi itmāmına bir beyt kim Mıṣr-ı ʿaynından sekiz tārīḫ-i tām oldu ʿayāŋ Māder-i ʿAbdülʿazīz Ḫān yapdı vālā maʿbedi Olsa lāyıḳdır bu beytu’llāh meṭāf-ı ḳudsiyān ʿAbdülfettāḥ 1288