Ġays̱-ı midrār-ı kerem cedvel-i enhār-ı himem Menbāʿ-ı cūy-ı ʿaṭā menhel-i iḥsān ü seḫā Ḫusrev-i dād-meniş ḥażret-i Sulṭān Ḥamīd Etti bārān-ı ʿadāletle cihānı irvā Zer ü sīmi ṣu gibi ṣarf ederek ḳılmıştır Dest-i iḥsānı bu ser-çeşme-i ṣāfı icrā Ola her ḳaṭresi bir baḥr-i ʿamīk-i ġufrān Sākī-i kevser ile ḥaşr ide ʿuḳbāda Ḫuda Jāle-i ʿadli ile buldu ṭarāvet ʿālem Açılıp gülmededir ġonca-i ṭabʿ-ı żuʿefā Dolanıp dergehin ol şāh-ı ʿadālet-cāhın Yüz sürer pāyine cūlar gibi aṣḥāb-ı ṣafā ʿAlem-i şevketi serv-i çemen-i nuṣret olup Aḳa tīġından anıŋ ṣu gibi ḫūn-ı aʿdā Görüp itmāmını ās̱ār-ı cihāndārīniŋ Bendesi Ḫayrī-i hoş-gūy-i ṣadāḳat-peymā Vaṣfıŋ imlāda zebān-ı ḳalemi aḫres iken Nāgehān yāver olup muʿciz-i ilhām-ı Ḫudā Yazdı tārīḫin anıŋ nuṭḳa getirdi lāli Kevser’iŋ ʿaynı degil mi bu sebiīli zībā 1191