[1] Nişān-ı şerīf-i ‘ālī-şān [u] sāmī-mekān-ı Sulṭānī ve ṭuġra-yı ġarrā-yı gītī nişān-ı ḫāḳānī ḥükmü oldur ki ḥāliyā maḥrūṣa-i İstanbul’da cārī olan Bodrum ṣuyundan bundan aḳdem ḳapum aġası olup fevt [2] olan Ca‘fer Aġa’nuŋ maḥrūṣa-i meẕkūrede binā itdigi medresesine bir maṣura ṣu virilmek emr idüp bu ḥükm-i şerīfimi virdüm. Ve buyurdum ki fermān-ı hümāyūnum mūcībince ẕikr olunan ṣudan medrese-i meẕkūreye bir maṣura ṣu virilüp [3] dā’imā cārī olup ol bābda efrād-ı āferīdeden hīç aḥad māni‘ ve dāfi‘ ve rāfi‘ olmaya şöyle bileler ‘alāmet- şerīfe i‘timād ḳılalar taḥrīren fi evā’il-i şehr-i Ẕī’l-ḳa‘de sene seb‘a ve sittīn ve tis‘a mi’ete [967]