[1] Sarāy-ı hümāyūn uncu-başısı müteveffā el-Ḥāc Muṣṭafā Aġa’nıŋ vaṣiyeti [2] bulunan ser-teberdārān-ı ḫāṣṣa sa‘ādetlū Süleymān Aġa ma‘ārifetiyle [3] müteveffā-yı mūmā-ileyhiŋ s̱ülüs̱ mālınıŋ fażlası olarak üçbiŋ[4]beşyüz ġurūş teberdārān-ı ḫāṣṣa evḳāfı nuḳūduna ilḥāḳen vaż‘ [5] olunarak be-her kīsesi şehriyye beşer ġurūş nemā i‘tibāriyle māh-be-māh [6] cem‘an otuzbeş ġurūş Ayaṣofya-i Kebīr ḳurbunda Ṣovuḳ-ḳuyu Medresesi’nde [7] ḳuyu başı ile memşā ve ḳapu arasında ta‘līḳ olunmuş olan üç ‘aded ḳandīllerle [8] rūġan-i zeyt olmayup ḳanādīl-i meẕkūreleriŋ rūġan-ı zeytlerine ṣarf olunmak ve [9] ġurūb-i a‘şābdan ṭulū‘-i şems[e] ḳarīb yaḳılmaḳ şarṭiyle medrese-i [10] meẕkūr ṭalebesinden intiḫāb olunan efendi māh-be-māh evḳāf-i [11] meẕkūr mütevellīsinden nemā-yı meẕkūr alıp ḫarc ṣarf eylemek içün [12] işbu maḥalle şerḥ ve müteveffā-yı meẕkūru ḫayr du‘ādan ferāmūş buyurmamaları içün ḳayd olundu. 1261