Bezmi‘ālem Vālide Sulṭān kerem-pirāyedir Māder-i ẕī-şān-ı şāhenşāh-ı yenbū‘u’l-nevāl Şāh-ı ‘ālem Ḥażret-i ‘Abdülmecīd Ḫān’ıŋ olur Ḥayr-ı cārī ‘ahd-i mecd ü şevketinde yem-mis̱āl Māder-i ẕī-şānı ile o şehinşāh-ı zamān Ḳıldılar icrā-yı ḫayrāta cihānda beẕl-i māl Öyle nev-ās̱ār-ı ḥayrāt-ı cihān-pirāye kim Görücek eyler du‘ā taḥsīn edip ehl-i kemāl Vālide Sulṭān o şāhın vālid-i ẕī-şānıŋ Rūḥuna iḥyāya yaptı çeşme-i ḫayrāt-nevāl Kevs̱er aḳtıkça bu zībā çeşmeden şādān olur Cennet-i ‘alāda rūḥ-ı Maḥmūdü’l-ḥisāl Menba‘-ı mā’ü’l-ḥayāt olsa sezā bu ‘ayn-ı pāk Cān veren ‘aṭşāna āb-ı ṣāfıdır bī-ḳīl u ḳāl Vālidi bulduḳça cennette ṣafā-yı selsebīl Māderiyle olmuştu ḫayr ede Rabb-i lā-yezāl İç bu ṣudan oḳu üç iḥlāṣla bir fātiḥa Rūḥuna Maḥmūd Ḫān’ıŋ ḳıl bununla ‘arż-ı ḥāl Cevherīn tārīḫini Zīver dedim içip ṣuyun Kevs̱er olsun rūḥuna Maḥmūd Ḫān’ıŋ bu zülāl 1259