Şeh-i Cem-kevkebe sulṭān-ı selātīn-i cihān Yaʿnī Ḫān Aḥmed o ḥaḳān-ı hümāyūn-sīmā Ol şehinşāh-ı hümā-sāye ki iḳbālinden Eyledi ʿālemi müstaġraḳ-ı envār-ı ṣafā Bā-ḥuṣūṣ āṣaf-ı deryâ-dil ü ṣāfī güherin Naẓar-ı pāk-ile etdi dür-i yektā ḥaḳḳā Cümleden ḳatʿ-ı naẓar fenn-i kemânkeşlikde Oldu şarṭınca ser-āmed o vezīr-i dānā Ezelī eyleyip ārāste Oḳmeydānı’n Es̱eri oldu Kāğıdḫāne’de de cilve-nümâ Pīş-rev oḳla alıp menzilin ol tīr-endāz Oldu çün pīş-rev-i ḫayl-i gürūh-ı vüzerā Pehlivānlar görüp ās̱ārını taḥṣīn etdi Faḫr edip emr-i şehinşâh ile ṭaş dikse nola Bāreka’llāh zihī ḫoş es̱er-i müstaḥsen Ṣāneka’llāh zihī ẕāt-ı saʿādet-pīrā Söyledi ġayet-i īmāyile Dürrī tārīḫ Dikdi ṭaş menzil-i maḳṣūda Meḥemmed Paşa Sene 1116