Ebu’l-fetḥ-i cihān Ḳostantiniyye fetḥin etdikde Ki etmiş bu sarāy-ı dil-güşāyı ser-be-ser maʿmūr Nice yıllar olup şāhān-ı pīşīn cilveger bunda İlāhī onlarıŋ ḳıl herbiriniŋ ravżasın pür nūr Gelip Sulṭān Muḥammed bin Birāhīm Ḫān devri Ki ẕāt-ı pākine vā-beste ḥüsn-i ḫāl-i maẓlūmān Ki oldur pādişāhān içre ʿazm ü rezm ile meşhūr Cihāna ʿadl ü dād ile ziyā-baḫşā ola çün hūr Cenāb-ı Ḥażret-i Sulṭān Meḥemmed Ḫān Ġāzīniŋ Der-i ʿadlinde derbān olsa lāyıḳ Sencer ü Faġfūr Bi-ḥamdillāh zamān-ı devlet-i ferḫūnde-fālinde Olup a’dā-yı dīn ü devlet üzere ʿaskerī manṣūr Şehinşāh-ı ḳader-ḳudret cihānda eyleyüp himmet Maḳarr-ı salṭanat ẕātından oldu bir zamān mehcūr Taḥammül etmeyip nār-ı firāḳ-ı şehriyārīye Çenār-āsā derūnun āteş ile eyledi maḥrūr Murād-ı şehriyārī kārger olmağa tekrār Mühendisler edip ol kāra ṣarf-ı himmet ü maḳdūr Zer-ender-zer nuḳūş ile müzeyyendir naẓīr olmaz Ḳıbābı ḳubbe-i eflāke hem-ser dīde-i bed dūr Göreydi ger Sinimmār olur idi tarẓını ḥayrān Bu tarḥa kādir olmaz Bū ʿAlī olsa eger müzdūr İrem-veş ol ḥaremde Meryem-’iṣmet ʿĀişe-’iffet Ḥuṣūṣa Vālide Sulṭān ki oldur ḫayr ile meşhūr Ḥayāt-efżā-yı ādem nūr-baḫş-ı dīde-i ʿālem Vücūd-ı pāk-i şeh-zādeyle daʾīm ḫalḳ ola mesrūr Duʿā-yı devletin edip Zeḳī tārīḫini dedim Sarāyı yümn ile Sulṭān Muḥammed eyledi maʿmūr 1079 [1668-69]