Baḥr-ı bī-pāyān-ı şevket Ḫān Maḥmūd’uŋ Ḫudā Eylemiş emvāc-ı rüşdin āb-ı rū-yı müslimīn Żabṭ edelden lenger-i ʿadliyle fülk-i mülketi Ṣarṣar-ı ālāmdan mersā-yı dehr oldu emīn Bādbān-ı luṭfın āfāḳ üzre etdikde küşād Seyr-i fülk-i kesb-i ʿirfān oldu taḥḳīḳa ḳarīn Baḥr-ı iḥsānın edip tersāne ḥaḳḳında revān Neyl-i āmāl ile ḳıldı ʿaskerīsin kām-bīn ʿİlm-i deryāda donanmā-yı hümāyūn ʿaskeri Ẕü’l-kemāl olmaḳlıġa ḳıldı binā mekteb raṣīn Hendese coġrafya ṣu gibi ezberlendigin Görse Öḳlīdis’le Baṭlamyus derdi āferīn Ders-i fenn-i baḥr oḳunduḳça bu mektebde müdām Ola ol ḫāḳān-ı baḥreyn nāʾil-i fetḥ-i mübīn Noḳṭa-i tārīḫimi Zīver ḥesāb edib dedim Mekteb-i baḥriyye iḥyā ḳıldı şāhenşāh-ı dīn 1254