Cenāb-ı Ḫān Selīm-i ma‘delet-kār Ki oldur merkez-i pergār-ı dünyā Edip taḳdīm-i ıṣlāḥ-ı meṣāliḥ Cihānı ḳıldı ma‘mūrü’z-zevāyā Geçip tedḳīḳ Eklidis re’yi Ḥikemde oldu Eflāṭūn’dan a‘lā Sezādır olsa pāy-endāz-ı rāhı Ḳumāş-ı aṭlas-ı gerdūn-ı ḫaḍrā Mühimmāt-ı umūr-ı ceng-i yek-ser Arisṭo gibi tedbīr etdi Ḥaḳḳā Edip ez-cümle iḥyā fenn-i ḥarbi Mühendis-ḫāne bünyād etdi ḥālā O ṣūrette muṣanna‘ kim görenler Olur ḥayretle çün naḳş-ı heyūlā Ḳılıp te’ṣīs-i eşkāl-i mahāret Bināsı oldu ḳısṭās-ı temāşā Bu mıṣrā‘ geldi ber-tārīḫ Ġālib Mühendis-ḫāne-i nev-resm-i vālā 1210