Üstü ḳurşunlu güzel bir cāmiʿ Eylemiş Maḥmūd Aġa bunda binā ʿAṣr-ı Sulṭān-ı Süleymānī’de Ḳapu aġası denir imiş aŋa Yıl ṭoḳuz yüz daḫı ḳırḳ beşde imiş Ede Ḥaḳ raḥmet aŋa rūz-ı cezā Biŋ iki yüz daḫı ṭoḳsan üçde Ḳurşunu olmuş idi ḥarbe fedā Ḳaldı on dört sene üstü kiremīd Pek ḫarāb olmuş idi ser-tā-pā Sene biŋ üç yüz idi hem yedide O zamān Ḥażret-i Seyyid Paşa Yaʿnī Ṭopḫāne’de nāẓır idi ol Aŋa baḫşāyiş-i Ḥaḳ luṭf u seḫā Saḳfını yapdı mücedded muḥkem Etdi ḳurşununu ferş ile ʿaṭā Hem mināresi onuŋ nıṣfından Māʿil-i hedm idi kim buldı beḳā Münhedim sedlerini maḳbereniŋ Yapdı başdan başa ḳıldı iḥyā ’İzz ü devletle muʿammer olsun Dem-be-dem eylerim Allāh’a recā Ḥaḳ teʿālā ola andan rāżı Ede Muḫtār ile ġufrāna sezā