Pādişāh-ı yem-şiyem ḫāḳān-ı İskender-ʿalem Dāver-i Dārā-ḥaşem şāhenşeh-i ṣāḥib-ḳırān Ḥażret-i Sulṭān Maḥmūd Ḫān-ı Ġāzī kim odur Melceʾ-i cümle enām ü mefḫar-i devr ü zemān Cūy-bār-ı ḳudreti cārī cihāna sū-be-sū Āfitāb-ı reʾfeti şāmil be-farḳ-ı ins ü cān Baḥr-i cūdundan bulundu Kevs̱er-i ümmīd ü kām Yümn-i ʿahdinden bilindi maʿnī-i emn ü emān Sāyesinde ehl-i İslām ü reʿāyā cümleten Oldu dil-sīr-i niʿam sīrāb-ı luṭf-ı rāygān İşte icrā eyleyip bu ḳaryeye māʾ-i maʿīn Oldu hep reyyān-ı iḥsān-ı hümāyūn teşnegān ʿÖmr ü şān ü şevketi efzūn olup günden güne Tā ebed olsun serīr-i salṭanatda kāmrān Āḳifā tārīḫ-i inşāsın ederken cüst-ü-cū Nüsḫa-i efkārda bā-feyż-i Rabb-i müsteʿān Ṣu gibi bir mıṣrāʿ-ı ber-ceste aḳdı ḫāmeden Yapdı bu nev çeşme-i pākīzeyi Maḥmūd Ḫān 1253 Ketebehū Yesārīzāde Muṣṭafā ʿİzzet ġufire lehumā