1. Ḫudāyā izdiyād et ʿömrünü bu Ġāzī Hünkārıŋ Zamānında müyesser oldu fetḥi bunca emṣārıŋ Ki daʾim tīġ-i ḳahrın ġālib eyle düşmen-i dūna Ḥulūṣü’l-ḳalb ile duʿāsı budur her gāh ....... (?) 2. Yā ilāhī be-ḥaḳḳ-ı nūr-ı celāl Tā ḳıyāmet bu ḳaṣra verme zevāl Mā-i cāri be-mis̱l-i āb-ı ḥayāt Görse şermende olurdu āb-ı zülāl 3. Ve mine’l māi külli şey’in ḥay Demiş ol Lā-yemūt Bāḳī Ḥay Pādişāhım bu ʿālī kaṣr içre Devlet (ü) ʿizzet ile olġıl ḥay 4. Ḫudā ḥaḳḳı cihānıŋ padişāhı bel velisin sen Duʿācıŋ cümle ʿālem bāġ-ı İslāmıŋ gülüsün sen ʿÖmersin ʿadl ü dād ile ḥilimle Ḥażret-i ʿOs̱mān Şecāʿatde ṣalābetde hemān şīri ʿAlī’sin sen 5. Baġ-ı cinān içre bu firdevse mis̱āl midir nedir Heşt behişt içre hemān dār-ı celāl midir nedir Kevs̱er-i zemzem mi ya tesnīm yā zencebīl midir Çaġlayuben aḳan ṣuyu mā-i zülāl midir nedir 6. Barekallāh zihī cāy-ı müferriḥ Ḳalemle dil ile olmaz müşerraḥ Mübārek bād ol Sulṭān-ı cihāna Saʿādetle içinde ola efraḥ