[1] Sarāy-ı hümāyūnda kā’in teberdārān-ı zülüfliyān-ı ḫāṣṣa ketḫüdāsı olup ṭarīḳ-i ḥacc-i şerīfde [2] vefāt eden Nigdeli Süleymān Aġa’nıŋ s̱ülüs̱ mālından olaraḳ teberdārān-ı merḳūm neferātından [3] vāṣīsi olan Muṣṭafā Efendi ma‘rifetiyle Ayaṣofya-i Kebīr Cāmi‘-i şerīf[i] ḳurbunda kā’in [4] Ṣovuḳ-ḳuyu Medresesi’nde mevcūd oṭalarda kā’in ṭalebe-i ‘ulūm içün revġan-i zeyt bahāsı [5] olmaḳ üzere teberdārān-ı merḳūmuŋ vaḳfına dörtbiŋ ġurūş vaż olunup be-her kīsesi [6] şehriyye beşer ġurūş nemā i‘tibāriyle şehriyye ḳırḳ ġurūş vaḳf-ı mezbūruŋ mütevellīsi ṭarafından ihdā olunarak [7] ne miḳdār revġan-ı zeyt ider ise ṭalebe-i ‘ulūm-i merḳūmūn muḳāseme olmaḳ ve vāḳıf-ı meẕkūru ḫayr du‘ā ile yād ve cümleniŋ ma‘lūmu oluna 1263