Şeh-ı Dārā-ḫaşem şevketlü Sulṭān Aḥmed-i Ġāzī Ki dest-i cūdu hemçün ebr-i nīsān feyż-baḫşādır Cihānbān-ı muẓaffer şehriyār-ı maʿdelet-güster Ki dā’im himmeti maṣrūf-ı terfīh-i berāyādır Ḳılan ol şehriyārıŋ devlet ü iḳbālini te’yīd Vezīr-i aʿẓamı Dāmād İbrāhīm Pāşā’dır Kemāl-ı cūd u iḥsānına ol ṣadr-ı keremkārıŋ Delīl-i rūşen ü maḳbūl bu āb-ı muṣaffādır Şeref-ābād içündür aṣlı ammā kim bu maḳsemden Bu şehr-i Üsküdār’a daḫi küllī ḥisse peydādır Hele ḥaḳḳā şehenşāh-ı cihān u ṣadr-ı ẕī-şāna Bu cārī ḫayr-i pāk u bī-bedel tevfīḳ-ı Mevlā’dır Ḫudā ikisiniŋ de ʿömr ü iḳbālin ḳıla efzūn Ki dest-i re’fet ü iḥsānları elṭāfa mecrādır Nedīmā āb-ı cārīsin görünce söyledi tārīḫ Bu maḳsem vāye-mend-i cūd-ı İbrāhīm Pāşā’dır