Şehriyār-ı baḥr ü ber ṣāḥib-ḳırān-ı şarḳ ü ġarb Ḫüsrev-i Cem-pāye Sulṭān Aḥmed-i gerdūn-cenāb Ol şehinşāh-ı hümāyūn-ḳadr vālā-rütbe kim Faḫr eder dergāhına İskender etse intisāb Ol şehiŋ dāmād-ı vālā-şānı ṣadr-ı aʿẓamı Yaʿnī İbrāhīm Paşa ol vezir-i kām-yāb ʿĀlemi lebrīz ḳıldı cūdunuŋ āvāzesi Belki çıḳtı çarḫa mānend-i duʿā-yı müstecāb Oldu iḥyāsı bu ḥammām-ı münevver kim onuŋ Rūşenā her mermer-i ṣāfı mis̱āl-i māh-tāb Ṣāḥibin Ḥaḳ eyleyüp ṣadr-ı saʿādette mekīn Eylesün böyle niçe ās̱ār-ı ḫayra müsteṭāb Eyledim çün vaḳti itmāmın Nedīmā’dan suʾāl Böyle iki mıṣraʿ-ı tārīḫ ile verdi cevāb Cūd-ı İbrāhīm Paşa germ edip bāzārını 1140 Buldu bu hammām ile bu şehr-i zībā āb u tāb 1140