Ḥażret-i Sulṭān Aḥmed Ḫān-ı gerdūn-pāye kim ʿĀlemi elṭāf u iḥsānıyla iḥyā eyledi Fātiḥ-i Īrān şeh-i devrān ki cūd u re’feti Üsküdār’ı āb-ı şīrīn ile iġnā eyledi Ṣuyu başından edip icrā o ḫāḳān-ı kerīm Ehl-i devlet ol ṣudan çoḳ çeşme peydā eyledi Baş Ḳadın ḥażretleri daḫi bu zībā çeşmeyi Kendi mālıyla yapıp bir ḫayr-ı vālā eyledi Bu maḥalle āb-ı ṣāfīye ḳatı muḥtāc idi Ḥaḳḳ’a şükr olsun bu mā ʿaṭşānı irvā eyledi Nūr-veş cārī olup bu āb-ı ṣāf u dil-peẕīr Teşnegānıŋ dillerin eşvāḳa me’vā eyledi Ḥaḳ teʿālā ol şehiŋ iḳbālini efzūn ede Kim der-i luṭfun cihān ḫalḳına Me’vā eyledi Çeşmeniŋ bānīsiniŋ daḫi ḳıla ʿömrün füzūn Kim ḫulūṣ-ı ḳalb ile bu ḫayrı inşā eyledi Söyledi tārīḫ-i itmāmın onuŋ kilk-i Nedīm Baş Ḳadın bu çeşme-i vālāyı icrā eyledi 1141