Şehenşāh-ı cihān ʿAbdülmecīd Ḫān eyleyip iḥsān Redīf-i ʿasker-i manṣūra ḳışla yapdı pek bālā ʿAceb miʿmār-ı ḳudret ṣafḥa-i teʾyīd-i iclāle Binā-yı şevket-i şāhāneyi resm eylemiş zībā Cülūs etdi o şeh iclāl ile taḥt-ı hümāyūna Ne iḥsanlar eder seyr et cünūda ol şeh-i vālā Ḳudūmiyle ḥayāt-ı tāze buldu cünd-i manṣūru Niẓāmü’l-ceyşini teʾyīd eder evvelkinden aʿlā Redīf-i ʿasker-i manṣūrunu manṣūr-ı luṭf etdi Kütāhiyye ḳażāsında ḳılıp bu ḳışlayı inşā Bu vālā ḳışlada ʿasker mekīn olduḳça faḫr etsin Ki olmuşdur bināsı zīb-baḫş-ı ṭārem-i mīnā O şāhıŋ ʿaskerīsi bī-ʿidād u bī-ḥisāb olsun Zamānında livā-yı fevz u nuṣret bulsun istiʿlā Mücevher söyledi Zīver ḳulu tārīḫ-i itmāmın Bu vālā ḳışlayı ḳıldı şehen-şāh-ı cihān iḥyā 1255