Dürretü’t-tāc-ı salṭanat yaʿnī Duḫter-i Ḥażret-i Meḥemmed Ḫān Dürc-i ʿiṣmet Ḫadīce Sulṭān kim Ḫayradır niyyeti onuŋ her ān Feyż-i Ḥaḳḳ ol ʿaliyyetü’ş-şānı Ede sīrāb-ı Kevs̱er-i iḥsān Bu sebīli binā edip lillāh Oldu rāḥat-resān-ı teşne-dilān Ḥabbeẕā bu sebīl-i zībende Bir içim ṣu leşāfetiyle hemān Reşeḥāt-ı zülāl-i seyyāli Neşve-baḫş-ı ḥayāt-ı cāvīdān Leẕẕeti āb-ı rūy-ı ḳand-ı nebāt Ṣafveti reşk-i neyyir-i raḫşān Oldu her kūze-i ṣafā-meşreb Mevrid-i cūybār-ı bāġ-ı Cinān Bundan aʿlā olur mu ʿālemde Es̱er-i ḫayr-ı dā’imü’l-cereyān Görücek ṭarḥ-ı dil-keşi Tā’ib Ḫıżr-ı ferḫunde-dem medīḥa-künān Nāsa işrāb edip dedi tārīḫ İçelim āb-ı Kevs̱er oldu revān 1123