Ferīdūn-menḳabet şāhen-şeh-i devrān Selīm Ḫān kim Ser-i serheng-i dergāhı güler dārāt-ı Ḍaḥḥāḳ’e Degildir Müşterī kāġıdçıbaşı olmaġa lāyıḳ Felek-dergeh melek-ḫū mihr-reʾy ol şāh-ı derrāke Ne vālā dār-ı ḳırṭās itdi inşā bu ḳalem-revde ʿUṭārid yazdı vaṣfın çarḫ-ı devrān yüz sürüp ḫāke Düşerdi bu Ḫavernaḳ ṭarḥ-ı bālā-ṭāḳı seyr itse Sinimmār-ı felek bām-ı ḥasedden arż-ı ihlāke Temāşā eylesün ādem olan dünyāda firdevsi Ṣafā baḫş eyler ābı Kevs̱er-āsā ḳalb-i ġam-nāke Gelüp Efrenc meşḳ-i kāġıd itsün dest-gāhında Döküldükçe ḫamīr-māye hünerle ḳāleb-i pāke İdince ṣūret i ālātı ʿaks āyīne-i ḥavża Ṣafā-yı mevc-i ābı virdi ḥayret ʿaḳl-ı çālāke Ḫuṣūṣā bu muʿallā çarḫı yapdı itmedi muḥtāc Bu dīn ü devletiŋ ṣāḥib-kemālin ehl-i işrāka Çıḳar bu çarḫdan devr eyledikçe raʿd-veş āvāz Düşer berḳ-i ḥased cān u dil-i aʿdā-yı ḫāşāke Muvaffaḳ olmadı bu ḫayra bir şeh nesl-i pākinde Beyān-ı kilk ile evṣāfı girmez gūş-ı idrāke Bi-ḥamdillāh kim bir yılda ikmāli naṣīb oldı Yazılsun vaḳʿaya hem ḳayd olunsun ṣakk-ı ṣakkāke O şāhıŋ ʿömr ü dīn ü şevketin efzūn ide Mevlā Beḳā virdikçe şerʿ-i maẓhar ı Levlāke Levlāk’e Dıraḫşān itdi ʿaks-i necm tārīḫ ābını ʿAynī Bu çarḫ inşā olunca buldı ṣuyın döndi eflāke (1220)