Şehinşāh-ı maʿārif-pīşe kim Sulṭān Maḥmūd Ḫān Olur her bir nigāhından nice yüz biŋ es̱er peydā Şecāʿatde saḫāvetde, hünerde cümle yektādır Sezā bārūt-ı ḳahrıyla ederse düşmanı ifnā Fītil aldı ʿadūyu dāne-i surbī ṣadāsından Ḫudā bed-ḫvāhına ḳılsın caḥīm ü dūzeḫi meʾvā Gelip bu mevżīʿe şevket ile ḫāṭır-nişān oldu Şütur-murġ beyżesin vazʿ eyleyip ḳırmaḳ sebū-āsā Dokuz yüz yirmi beş gez geldi taʿdād etdiler bir bir Ḳırıp şeş ḥamlede şeş-ḫāne ḥaḳḳın eyledi icrā Şütūr-murġiyyeti muʿtād edenler eylesin ḫaşyet Ki aṣl ü neslini ḳaṭʿ etmeyi eyler bu ḥāl īmā Ḫudāyā taḫt-ı ʿālī baḫt-ı mesʿūdunda dāʾīm ḳıl Nice dil-mürdeler ẓıll-ı ẓalīlinde ola iḥyā Duʿā-gūyu kadīmī bendesi Şākir daḫı her dem Zamānında meserrāta nice tārīḫ ede inşā Dedi tārīḫini ḳalb-i eḥaddin edip istimdād Tüfeng-i Şāh Maḥmūd’a hedef cān ü dil-i aʿdā 1226