Pādişāh-ı baḥr ü ber Sulṭān Murād-ı kām-rān Dergehinde bendedür cümle selāṭīn-i cihān Kim odur Cem-bezm ü Rüstem-rezm ġāzī ehl-i dil ʿAvn-i Ḥaḳ’la şarḳ u ġarba ḥāliyā ṣāḥib-ḳırān Hicretüŋ biŋ ḳırḳ altısında der-māh-ı sıyām Esb-i tāzīye süvār olup şeh-i ʿālī-nişān Hem mübārek destine bir mīşe lobudı alup At sürüp bu ṭaşdan ol ṭaşa varınca bī-gümān Heybet-ile şöyle zerk itdi (?)ki ol mīşe lobud Saʿd-ı Vaḳḳāṣ oḳı gibi ġayb olup niçe zamān Cüst ü cū idüp arayup buldılar hem ölçdiler Geldi yüz on beş ẕirāʿ bennā ḥesābınca ʿayān Hem bu ṭaşdan daḫı bir küçük cirid zerk eyleyüp Ḳarşu dīvārı aşup cimşīrliği aşdı hemān Nitekim devreyleye çerḫ-i felekde mihr ü meh Nitekim s̱ābit ola heftum semāda aḥterān Devlet ile salṭanat taḥtında olsun ber-ḳarār Pādişāh-ı baḥr ü ber Sulṭān Murād-ı kām-rān