Ḥaḳ sarāy-ı dehri īcād itdigi günden beru Himmet-i Sulṭān-ı Maḥmūdüʾz-zamān oldı yüce Beyt-i Maʿmūr’uŋ yazılmış ṭāḳ-ı vālā-ḳadrine Nüh felekden rütbe-i şāh-ı cihān oldı yüce Sāyesinde ḳalmadı aṣlā ḫarāb alçaḳ maḥal Yapılup bu kāh-ı ferḫunde mekān oldı yüce Nāmın Īcādiyye ḳoydı ol şeh-i encüm-sipāh Her cihetden baḳ bu gerdūn-āsitān oldı yüce Evc-i semt-i bāmına irmez o sīmurġ-ı ḥayāl Ẕirve i Ḳāf-ı felekden bu hemān oldı yüce Mülketi maʿmūr u mihr-i şevketi pür-nūr ola Tā ki bu saḳf-ı sarāy-ı āsumān oldı yüce ʿAyniyā miʿmār-ı endīşem didi tārīḫ-i tām Ḳaṣr-ı Īcādiyye-i Maḥmūd Ḫān oldı yüce (1249)