Feres-rān-ı şecāʿat şeh-süvār-ı sāḥa-ı şevket Şeh-i Maḥmūd-sīret pādişāh-ı bāhirü’l-esʿād Edip destine tefvīż-i zimām-ı salṭanat Mevlā Semend-i serkeş-āsā dehri ḳıldı emrine münḳād Ḫulūṣ-ı niyyete mebnīdir ās̱ār ü müberrātı Biri ez-cümle işte bu mücedded tarḥ-ı ḫoş-bünyād Ki ḳalmışdı faḳat bir ismi ās̱ār ü ’imāretden Ḫarāb olmuşdu mānend-i derūn-i ʿāşıḳ-ı nā-şād Eʿaddu ma’stetaʿtum min ribāti’l-ḫayli ṭıbḳınca Selef etmişler idi düşmeni terhīb için iʿdād Gemin gevdikçe dem çekdikçe her raḫş-ı mehīb-endām Erir ḫavfinden Atmeydānı içre ejder-i fulād Edip ʿaṭf-i ʿinān devletle bir gün gūşuna girdi Ṣāhīliyle ciyād-ı ṣāfinātın ettiği feryād Hemān ıṣdār-ı fermān-ı hümāyūn etdi tecdīde O Ḫāḳān-ı celilü’ş-şān cihānbān-ı bülend-ecdād Şu resme tarḫ-ı ḫāṣ üzre yapıldı kim eger bulsa Düşüp at boynuna taṣvīrin almaġa gelir Behzād Murād atına nāʾil raḫş-ı maḳṣūda süvār etsin Hemīşe ẕāt-ı pākin ḥażret-i Ḫallāḳ-ı bī-endād Sezādır böye bir tārīḫ-i müstes̱nāya ey Vehbī Sıṭabl-ı ḫāṣını Sulṭān-ı Cem-cāh eyledi ābād 1146