Ḥażret-i Sulṭān Selīm-i maʿdelet-bünyād kim Buldı devrinde ʿimāretle cihān luṭf-ı ʿamīm Luṭf u ʿadlin görselerdi Ḥātem ü Nūşirrevān Bāb-ı gerdūn-intisābında olurlardı muḳīm Āṣaf-ı ẕī-şānına fermān idüp iclāl ile Yapdı bāb-ı ʿāliye bir ḳaṣr kim mis̱li ʿadīm Nām-dāş-ı Faḫr-ı ʿālem ʿizzet-i ṣadr-ı güzīn Emr-i dīn ü devlet ü dünyāda reʾyi müstaḳīm İrmez evc-i āsumān-ı bāmına murġ-ı ḥayāl Rifʿat-i ṭāḳın meger idrāk ider ṭabʿ-ı selīm Revzen-i şevket-medārı maṭlaʿ-ı mihr-i şeref Ṭāḳına āvīzedir ʿıḳd-ı S̱üreyyā-yı naẓīm Tā ki bu kāşāne-i kevn ü mekān maʿmūr ola Taḫt-ı iclālinde dāʾim eylesün Rabb-ı Raḥīm ʿAyniyā miʿmār-ı ḳudsī söyledi tārīḫ-i tām Yapdı bāb-ı āṣafa nev-ḳaṣr-ı ʿālī Şeh Selīm (1210)