Ḥażret-i Maḥmūd Ḫān’ı Ḥaḳ müceddid eylemiş Verdi baḳ ās̱ār-ı bünyānı yeŋiden mülke şān Mihver-i çarḫ-ı ẓaferdir ol şehenşeh ʿāleme Devr-i ʿahdinde görürsün fetḥ olur mülk-i cihān İctihād-ı meẕheb-i tertīb-i esbāb-ı cihād Edeli buldu ṣalāḥı millet-i islāmiyān Cüzʾ-i aʿẓammış ʿilāc-ı naṣra bārūt-ı siyāh Çekdi terkībin beyāza ol şeh-i ḥikmet-nişān Dehre ḫāk-i pāyidir kibrit-i aḥmerden eʿaz Kimyādan oldu aʿlā nāsa luṭfı bī-gümān Ḳıldı Āzādluḳ’da bārūta binā nev fabriḳa Ol şeh-i dārā-ġulāma ḳul olur hep düşmenān Tā ki iʿmāl oluna bārūt her dem ol şehiŋ Ġulgul-i ṭop u tüfengiyle pür olsun āsumān Āteş-i bārūt-ı ḳahrıyla bilād-ı düşmeni Hep yaḳıp yıḳsın İlāhī ol şeh-i kişver-sitān Cevherīn ü tam iki tārīḫ Zīver söyleyip Eyledim evc-i sipihr-i naẓmım üzre Ferḳadān Ḳoydu dil-cū resme bārūtḫāneyi nev tarḥ ile Yapdı bī-endād fabriḳa şehenşāh-ı zamān 1255