Ḫūrūşān lücce-i cūd u himem Sulṭān Aḥmed kim Odur şāhenşeh-i deryā-nevāl-i maʿdelet-fermā Ḫıdīv-i baḥr u ber Ḫıżr-ı zamān ḫāḳān-ı devrān kim Cihānı eyledi Āb-ı ḥayāt-ı ʿadl-ile iḥyā O ḫāḳān-ı kerīmiŋ ṣıhr-ı pāki ṣadr-ı ẕī-şānı Niẓāmü’l-mülkü İbrāhīm Pāşā-yı cihān-ārā Edip icrā zülāl ü Zemzem cūd-ı firāvān Zamānında nümūdār-ı behişt oldu bütün dünyā Şeref-ābād-ı saʿd-īcād şāh-ı dād-ı muʿtādı Yed-i miʿmārī-i yümn ü saʿādetle edip inşā Oŋa peydā vü icrā ettigi āb-ı muṣaffādan Bu şehri daḫi sīrāb eyledi ol ṣadr-ı bī-hemtā Kemāl-i iḥtiyācın fehm edip bu mevḳiʿin āba Vezīr ibn-i vezīr-i ṣıhr-ı āṣaf Muṣṭafā Pāşā O bahr-ı fażl u ʿummān-ı maʿārif-i lücce-i himmet Muḥīş-i ʿāṭıfet deryā-yı re’fet āṣaf-ı dānā Bu vālā çeşmesārı fī sebīlillāh edip bünyād ʿIṭāşı ḳıldı sīrāb-ı zülāl-i cūd-ı rūḥ-efzā Hemīşe āb-ı rūy-ı salṭanat ḫāḳān-ı devrānıŋ Muşīʿ-i emri olsun ser-be-ser dünyā vü mā-fīhā Ola hemvāre ẓıll-ı re’fet ü cūdunda āsūde Vekīl-i salṭanat ṣadrü’ṣ-ṣudūr-ı mekremet-fermā Ḫuṣūṣā ṣāḥibü’l-ḫayrāt olan düstūr-ı ẕī-şānı Kederden ḥıfẓ edip mesrūr u me’cūr ede Mevlā Onuŋ Şākir bu mıṣraʿdan çıḳar yek-pāre tārīḫin Bu dil-cū çeşmeyi yaptı Ḳapudān Muṣṭafā Pāşā 1142