Dādār-ı gerdūn-menzilet Sulṭān-ı vālā-menḳabet Ḫāḳān-ı ṣāḥib-tāc ü taḫt şāh-ı serīr-i maʿdelet Keyḫüsrev-i Dārā-ġulām şāh-ı cihān-ı āṭıfet Yaʿnī ḫudāvend-i enām ʿAbdülḥamīd Ḫān-ı be-nām Ḥüsn-i sülūk-i ḫılḳati faḥrü’l-mülūk her ḥāleti Ẕāt-ı hümāyūn-midḥati maḥżā medār-ı merḥamet Şāhenşeh-ı deryā-nevāl sulṭān-ı memdūḥü’l-ḫıṣāl Hem dāver-i ṣāḥib-kemāl dibāce-zīb-i maḥmidet Zīb-i mebānī-i vücūd nūr-ı tecellī-i şuhūd Miftāḥ-ı feyż-i birr ü cūd dergāh-ı luṭf u mekremet Miʿmār-ı tabʿ-ı cevdeti yapdı ḳulūb-ı devleti Ez-cümle eḏnā himmeti verdi bu cāya taḳviyet Bu nüṣḥa-i şevket-meʾāb tertīb-i naẓm-ı müsteṭāb Teʾlīf-i şāh-ı kām-yāb mażmūn-ı sırr-ı mevhibet Seyr eyle ḥüsn-i behceti ʿālem esīr-i ṭalʿatı Ṭarḥ-ı laṭīf ü zīneti revnaḳ-fezā-yı ʿāfiyet Resm-i leṭāfet perveri Naḳş-ı Ḫayāl-i Āzerī Her-maṭlaʿ-ı mihr-enveri naẓm-ı Niẓāmī-temşiyet Kāşī-i ṣūret-güsteri Āyīne-i İskenderī Taṣvīr-i ḥüsn-i peykeri Şeh-nāme-zīb-i maʿdelet Her mıṣraʿı bir başḳa bāb her bābı gūyā bir kitāb Diḳḳat olunsa bāb bāb metn-i metīn-i mevhibet Ey dergeh-i zerrīn-ḳıbāb ʿarş-āsitān kürsī-cenāb Sende duʿālar müstecāb bā-ʿavn-i feyż-i terbiyet Olsun eyā şāh-ı ferīd baḫtıŋ sa’īd ʿömrüŋ mezīd Ol bābda ḥıfẓ-ı mecīd ḳufl ü kīlīd-i meymenet İḳbāl ü saʿd-ı baḫt ile feyż-i mübārek vaḳt ile Rāʾiḳ dedim bu s̱ebt ile edince ṣarf-ı maḳderet Tārīḫ-i cevher māyesi ʿarş olsa lāyıḳ pāyesi Levh-i şükūh pīrāyesi bāb-ı kitāb-ı salṭanat 1188