Cenāb-ı Kāḍī-‘asker ibn-i Kāḍī‘-asker-i ẕī-şān Ḫüceste-menḳabet ẕāt-ı mekārimkār-ı bī-hem-tā Müfīż [ü] ṣāf-ṭıynet ya‘nī Feyżu’llāh Efendi kim Aŋınla faḫr eder cāh ü ṣadāret-mesned-i vālā Hemīşe müstefīż olmaġla herkes cū-yı lüṭfundan Bu is̱re ḳıldı necl-i pāki daḫı iḳtifā ḥālā Anıŋ maḫdūm-ı ‘ālī-ḳadri Sa‘deddīn Efendi’dir Reh-i Ḥaḳ’da bu āb-ı Zemzem-āsāyı eden icrā Ebā-an-cedd maḫādim-i kirāmıŋ pāk ü mümtāzı Mevālī-i ‘iẓāmıŋ ser-firāzı kāmil ü dānā Sebīl ü çeşme yapdı ḳıldı icrā ḥükm-i ‘aynānı İki vech-ile ebnā-yı sebīli eyledi irvā ‘Acā’ib mevḳi‘inde bu sebīli eyleyip bünyād Kef-i pür-cūdı oldu maḳsem-i āb-ı revān-baḫşā Zemīni mürtefi‘ bünyādı dil-cū mevḳi‘i dil-keş Sebīl-i bī-bedel ṭarḥ-ı müferriḥ resm-i nev-peydā Sebīl-i nev degil mecrā-yı āb-ı zindegānīdir Ki her bir ḳatresi iḥyā eder ‘aṭşānı Ḫıżr-āsā Dürüstī bu ki bu ‘ayn-ı ḥayāt-ı rūḥ-perverle Gürūh-ı teşnegān-ı Üsküdār’ı eyledi isḳā Nümūdār oldu mecrā-yı tesemmī Selsebīlādan Bu tesnīm-i ḫiṣān-ı ḫayra ‘uḳbāda olur mecrā Bir içim ṣuyuŋ ammā ḥaḳḳı vardır ṣāḥibü’l-ḫayrıŋ Du‘āsı ‘ömr ü iḳbāliyle olsun nūş ediŋ gūyā Cenāb-ı Ḥaḳḳ o maḫdūm-ı mu‘allā-ḳadr-ı ẕī-şānı Çemenzār-ı ḥayāt-ı sermedīde eylesin ibḳā Hemīşe menba‘-ı ‘ayn-ı müberrāt eyleyip ẕātıŋ Nice ās̱ār-ı ‘uẓmāya muvaffaḳ eyleye Mevlā Gelip bir bir oḳurlar Şākirā tārīḫ-i itmāmıŋ Sebīli yapdı Sa‘deddīn Efendi iç şifādır mā 1154