Ḥabīb-i Ḥażret-i Mevlā’nıŋ aṣḥāb-ı güzīninden Cenāb-ı Bū Zer-i Ġıffārī nām bir ẕāt-ı ‘ālī-şān Sıtanbul fetḥ olunmazdan muḳaddem fī-sebīli’llah Ġazāya ‘azm ü niyyet eyleyip ol server-i merdān Ḳılıp küffāra şīrāne hücūm āḫır reh-i Ḥaḳ’da Şehādet şerbetin nūş eyleyip ḳıldı fedā-yı cān Maḳām ü medfen-i aṣḥāb ba‘d-ez-fetḥ-i İstanbul Olup keşf eylediler her biriniŋ ḳabrin ābādān Mürūr-ı ezmineyle bu güzīde ẕāt-ı vālānıŋ Der ü dīvār u saḳf-ı medfeni olmuştu pek vīrān Olup tevfīḳa maẓhar bu maḳām u mescid-i pāki Yeŋiden ḳıldı inşā Vālide Sulṭān-ı Maḥmūd Ḫān Resūlu’llāh’a ta‘ẓīmen ḳılıp aṣḥābına ḥürmet Zihī ḫayr eyledi ol mehd-i ‘ulyā-yı kerem-bünyān Ḫudā hem ẕātını hem nūr-ı çeşmi Ḫān Maḥmūd’u Ḳıla her ḥālde maḥfūz u setr-i dīde-i ‘udvān O şāhın sāyesin dūr etmeyip farḳ-ı ‘ibādından Serīr-i salṭanatta müstedām-ı ‘ömr ede Sübḥān Sezādır yazsa Vāṣıf bendesi bir mıṣra‘-ı tārīḫ Bu ’ālī meşhedi yaptırdı ra‘nā Vālide Sulṭān 1227