Ḥażret-i ʿAbdülḥamīd Ḫān-ı diyānet-perveri Ḥāmī-i bünyān-ı şerʿi etmiş Ḫudāvend-i mecīd Üss-i şerʿ üzre ḳurulmuşdur binā-yı şevketi Mihr-i ʿadl ü refʾetinden ʿālem olmuş müstefīd Ḳalmadı ʿahdinde maʿmūr olmadıḳ hīç bir maḥal Mülkünüŋ her cānibi müstaġraḳ-i feyz-i cedīd Merkez-i fetvā olan ez-cümle iş bu dāʾire Ceddi Maḥmūd Ḫān’ıŋ iḳdāmıyla olmuşdu be-dīd Bānī-i s̱ānīsi olmuşdur bu bāb-ı muḥkemiŋ Ol şeh-i iḳlīm-i şevket ol şehenşāh-ı vaḥīd Ḥükm-i şerʿi Aḥmedī icra olundukça Ḫudā ʿĀfiyetle ol şehiŋ iḳbālini etsin mezīd Rūm-ili ṣadrı iken vaḳʿanüvis Luṭfī ḳulu Eyledi tanẓīm bu ebyātı bī-güft ü şenīd Mıṣraʿ-ı tārīḫini etdim dürerden iḳtibās Eyledi iḥyā bu bābı Ḥażret-i Sulṭān Ḥamīd