Şehenşāh-ı semāḥāt-keş ü ẓıllu’llāh-ı ḫayr-endīş Cenāb-ı Ḥażret-i Sulṭān ‘Os̱mān-ı kerem-fermā Dırāḫşān gevher-i baḥr-ı ḥilāfet menba‘-ı ref’et Şeref-baḫşā-yı taḫt-ı salṭanat ḫāḳān-ı ‘adl-ārā Ne şāhenşeh ki taḥsīl-i rıżāu’llāha ṭālibdir Ne şāhenşeh ki maẓhar eylemiş tevfīḳine Mevlā Ḫulūṣ-ı ḳalbine bürhān-ı vāżıḥdır o ḥāḳānıŋ Ki cümle bendegānı mā’il-i ḫayrātdır ḥattā Şebistān-ı ḥarīm-i ḫaṣṣınıŋ perverde-i insi Yegāne dürr-i ‘iṣmet şeb-çerāğ-ı perde-i ‘ulyā O yektā ‘iffet-i gevher-ḳarīn-i pertev-i şevket Üçüncü Ḳadın ol ‘ālī-güher bānū-yı bā-taḳvā Velī-ni‘meti ya‘nī o şāhenşeh-i ẕī-şānıŋ ’Aṭasından olup bende-[i] cū elṭāf-ı lā-tuḥsā Muvaffaḳ oldu iḥsān-ı hümāyūnuna olup şāyān Rıżāu’llāh içün bu çeşmesārı eyledi inşā Ḫudāvend-i cihānbānıŋ olup iḳbāli rūz-efzūn Ede bānīsini Ḥaḳ sāyesinde maẓhar-ı i‘ṭā Emīnā mıṣra‘-ı tārīḫi hem-ḳadr-i cevāhirdir Üçüncü Ẕevḳī Ḳadın ḳıldı icrā gel zülāl iç mā 1169